O roteiro
Este percorrido segue
parte do antigo camiño que unía as aldeas de Fontenla e Paraíso remontando o
río Umia. Durante o paseo poderá descubrir a importancia dos ríos para a
biodiversidade e para o ser humano.
Este roteiro está promovido pola Comunidade de Montes
Veciñais en Man Común de Lantaño formando parte do proxecto de recuperación do
monte como espazo de lecer e goce dos veciños. Xunto con esta actuación
realizáronse plantacións de especies frondosas en todo o linde do monte así como
a retirada de lixo e entullos.
![https://gl.wikiloc.com/wikiloc/view.do?id=12097729](https://d33v4339jhl8k0.cloudfront.net/docs/assets/5643228fc697910ae05f2d0c/images/566937bbc69791436155598c/wikiloc_lg.png)
O monte achega recursos como a madeira con valor económico
directo pero tamén bens e servizos imprescindibles aínda que imposibles de
cuantificar economicamente. Xera e purifica o aire que respiramos, limpa e
depura a auga que bebemos, da corpo as nosas paisaxes, é fogar, refuxio e
garante da supervivencia da biodiversidade, achéganos coñecemento e enriquece a
nosa cultura.
Acceso
O acceso ao inicio realízase
dende a estrada que une Caldas de Reis con Vilanoviña pasando por Lantaño e Portas
(EP-8004) collendo o desvío sinalizado á Praia Fluvial, xusto debaixo do
viaduto da AP-9, no lugar de Almirante. Tamén se pode acceder dende a N-640 no
quilómetro 11.
Para non perderse
No camiño atopará os marcos da Comunidade de Montes de
Lantaño. Estes marcos levan habitualmente o debuxo dunha liña na parte superior
indicando a forma da estrema, recta ou en esquina, e a inscrición MP seguida do
número de marco. A inscrición MP deriva de monte público pois, aínda que os
montes comunais non o son, cando se deslindaron en 1967 dependían dos concellos
e o ICONA polo que se consideraban públicos.
Paradas